巴巴串 (已結業)

呢度好有內地網紅串燒店既風味，工業風好型格，成間鋪頭都幾大間，坐得舒服又唔駛怕通風唔好，正！呢度頭盤，串燒，甜品，料理，炸物，飲品全部都任食，仲要無限時，真係勁豐富！料理👏🏻料理選擇多多，係餐廳有一大張長枱用唔同既盤裝住，估唔到既係呢度既炒飯都幾好食，係泰式炒飯，有紅椒肉鬆呢啲配料，炒飯做到粒粒分明，仲幾香咖哩味，同啲配料一齊食口感就好好啦！串燒丸👍🏻呢度有爆汁豬肉丸囉，勁大粒，燒到表面好焦香，一咬落去啲肉汁必晒出黎，好彈牙；另外午餐肉都好正，切晒條咁燒，燒到好脆，但咬落又仲好腍喎，仲有紅腸果啲可以燒，慢慢簡！串燒海鮮🫶🏻又係估唔到呢度有燒鰻魚，鰻魚串好咁燒，放上爐燒一燒就食得啦，魚肉又厚，燒汁又香，好唔錯喎！海鮮都仲有其他選擇架，蜆果啲都有，真抵食！串燒菜✌🏻燒蔬菜都係其中一款熱門串燒啦，除左粟米蕃茄呢啲，仲有燒西芹，全部都夠晒新鮮，平衡番無咁油膩！