咖喱至尊

營業中

休息中

有一日喺大埔行街見到一間餐廳寫住「咖喱至尊」，當其時我心諗：有乜嘢咁巴閉自稱自己係至住呢？之後就入咗去一探究竟，當其時係午市，都要等一陣位。望望個餐牌穩陣起見梗係叫咖喱雞飯，送到我面前嘅時候我聞到呢一浸咖喱味係我以前喺印度餐廳食嘅味道，但係當我食落去嘅時候完全冇嗰種辛辣嘅味道，適合食唔到辣嘅我，不過佢嗰種咖喱味係令人食慾大增同埋好容易接受。以佢嘅雞好入味，肉好滑，雖然多飯要加兩蚊，但係都係值得大家一試，而至尊呢個名的確係實至名歸。提提大家，如果想食辣需要落單時同姐姐講，啲姐姐話佢哋嘅辣係同譚仔特辣有得揮過！