悅滿軒

法國家鄉焗煲配黃油雞🐔 $268法式海龍王👑 $448海龍王的確好足料海鮮超級重份量，包括咗藍青口、皇帝蝦、托托蜆、龍蝦同埋帶子。每樣都大大粉同埋有好幾件👍藍青口外殼漆黑帶藍又好有光澤，雖然青口驟眼睇好似瘦猛猛唔夠肥美無咩肉咁，但食落發現肉質好嫩滑好creamy，做到基本無渣之餘都好爆汁。食到淡淡嘅海洋海水鮮味。托托蜆帶微微煙燻鹹味，肉質爽脆又鮮味。見到餐牌前菜有個托托蜆配白酒昆布湯應該都會好正，下次嚟一定會試試佢😋最驚喜係竟然有一大球處理好嘅龍蝦肉，龍蝦肉質爽彈又有鮮味🦞