豬朋雞友 (已結業)

呢間小店開張唔係好耐，因為近公司，慢慢就變左做飯堂。佢既餐牌其實好簡單，只有鷄扒同豬扒，可配搭4 款醬汁，再配飯、意粉，椰菜花飯及薯蓉。基本上4 款醬汁都好味，食得出係廚師自己調配，唔係開罐頭的，個人推介係磨菇汁。作為一個鷄精，私心推介牛油檸檬鷄扒，煎得香口又唔油至於主食，當然我都配過晒，意粉係廚師係入飯盒時先炒，唔係平時快餐頹意粉。薯蓉係超正既邪惡牛油薯蓉，我只敢跑完步先食🤪🤪 。我自己平時多數會配椰菜花飯，師傅係用黑椒炒香入飯盒，並不是就咁蒸就算。呢間係附近少有可配合我走飯習慣而又飽肚，重要好味既小店，係附近返工既朋友真係可試試