一芳台灣水果茶 (已結業)

之前飲過覺得幾好。今日再去買發現差咗好多。叫咗一杯益力多配水果茶，同埋一杯仙草鮮奶茶。首先嗰杯益力多一啲益力多味都冇。唔知自己飲緊咩。跟住就係仙草鮮奶茶。嗰杯嘢嘅奶茶半透明狀態。唔夠奶？同埋嗰啲仙草係我食過最差嘅仙草。一啲都唔嫩滑，唔煙靭。佢啲仙草鞋鞋地。究竟點樣先可以做到呢一種質地嘅仙草？雖然叫咗正常冰，應該係我嘅錯，應該叫少冰先至啱。因為正常冰嘅話，一半都係冰。飲咗幾啖就冇晒啦。應該都唔會再幫襯啦。雖然只係30幾蚊一杯嘢飲，但我覺得有更好嘅選擇。