丼丼屋 (已結業)

放閒日，元朗睇完醫生，出返屯門UA睇早場，散場一個人再揾地方食午餐，好耐冇幫襯丼丼屋(因母親唔Like食飯，來這裏她冇乜選擇)，故趁一個人便來止飯癮!打開menu,其實好想食魚生飯，但前日食咗元氣所以冇揀，又好想食吉豬，又好想食牛肉，最後因怕熱氣及之前手傷未好，自己戒牛及熱毒食品，最後以未試過這裏的豚肉飯選了豚肉生薑燒，及另加一炸芝麻雞翼。豚肉生薑燒午餐$83包一飲品，可選汽水，菓汁或茶啡。杯無糖可樂我無叫少冰，但竟然同我少冰，唔夠凍亦冇乜氣，最後飲了兩啖冇飲!豚肉生薑燒飯2/10~有3大薄片豚肉，食落唔香，好嚡，冇肉味，冇薑味，似乾煎瘦肉，唔明個名點解叫生薑燒，相反就鬼咁多洋蔥，點解唔叫洋蔥豚肉飯?重點在D洋蔥多而不熟，本人是吃洋蔥的，但生洋蔥食完會個口一"浸"味，我唯有揀晒出來不吃。飯粒仍然好味，份量一般，男人應不飽，但發現碗底的鼓油才有薑味，強調只係鼓油有薑味，識食嘅都知我講乜!更精彩在於豚肉的背面，看圖便知一二，肉面有一層白色薄層，多半不是蛋汁造成，因沒蛋香，亦不會是生粉造成(如是會半透明)，多半是肉醃過龍，不新鮮又存放在不夠凍的地方，令到肉內蛋白質流出所致的。炸芝麻雞翼$43