影片
更多
2021-08-30
376 瀏覽
以後唔會再去。今日中午walk in去食，一去到門口，帶位嗰位先生問我哋有冇訂位，我哋話冇，佢已經好似唔耐煩，覺得我哋點解唔訂位，然後我哋想坐中間嗰排類似卡位，好似舒服啲，又有少少陽光，但帶位先生堅持唔俾，當時係中午12:00，未係peak hour，餐廳目測約6成滿，仲有好多吉位，但佢講到我哋得兩個人，如果坐嗰度就會霸左張四人枱，如果之後有人入坐，佢咪要加塊板（唔知係咩道理，總之就覺得你兩個人就唔好霸住張四人枱）ok我哋唔想求你，將就坐其他位，可能係商場冷氣開得細，連帶間餐廳都冇冷氣，全餐飯我哋都要擺個風扇喺枱面。服務方面都冇乜服務可言，基本野，上set唔係一次過上，2個set都有餐湯+蒸蛋，就上咗1份先，我哋仲以為得1個餐有，然後隔咗10分鐘，佢又上多份湯+蒸蛋，之後又突然上沙律同前菜（呢兩樣唔係應該一開始就要上嘅咩？）然後就上主菜，我同個侍應講想要隻碗，佢完全冇反應，我都諗佢係咪聽唔到，隔咗陣就再搵另一個侍應攞兩隻碗，我哋想share兩個飯，然後佢就真係淨係俾兩隻碗，匙羹都冇俾，可能係我講得唔清楚啦。之後搵另一個侍應加茶，佢就只係加一杯，冇加我朋友嗰杯，就走咗去隔離枱加茶，然後要
今日中午walk in去食，一去到門口，帶位嗰位先生問我哋有冇訂位，我哋話冇，佢已經好似唔耐煩，覺得我哋點解唔訂位，然後我哋想坐中間嗰排類似卡位，好似舒服啲，又有少少陽光，但帶位先生堅持唔俾，當時係中午12:00，未係peak hour，餐廳目測約6成滿，仲有好多吉位，但佢講到我哋得兩個人，如果坐嗰度就會霸左張四人枱，如果之後有人入坐，佢咪要加塊板（唔知係咩道理，總之就覺得你兩個人就唔好霸住張四人枱）ok我哋唔想求你，將就坐其他位，可能係商場冷氣開得細，連帶間餐廳都冇冷氣，全餐飯我哋都要擺個風扇喺枱面。
服務方面都冇乜服務可言，基本野，上set唔係一次過上，2個set都有餐湯+蒸蛋，就上咗1份先，我哋仲以為得1個餐有，然後隔咗10分鐘，佢又上多份湯+蒸蛋，之後又突然上沙律同前菜（呢兩樣唔係應該一開始就要上嘅咩？）然後就上主菜，我同個侍應講想要隻碗，佢完全冇反應，我都諗佢係咪聽唔到，隔咗陣就再搵另一個侍應攞兩隻碗，我哋想share兩個飯，然後佢就真係淨係俾兩隻碗，匙羹都冇俾，可能係我講得唔清楚啦。
之後搵另一個侍應加茶，佢就只係加一杯，冇加我朋友嗰杯，就走咗去隔離枱加茶，然後要叫佢加俾我朋友，佢先再加，都應該係我講得唔清楚，應該要講明，唔該加兩杯茶啊。
食物方面，呢個咁樣嘅加拿大海膽飯要$408，都真係好無言。
集團經營嘅餐廳，各方面都可以咁差，真係好難得，以後都唔會再去。
$408
14 瀏覽
1 讚好
0 留言
張貼
