川粵米線大王 (已結業)

係依區住左兩年幾，川粵一向係飯堂之一，每星期起碼食一次。雖然d位窄d、又等得耐(試過一等就等左四十分鐘)，但係因為個口水雞紅薯粉太好食，又平，所以都成日食。自從間舖既名氣愈來愈大，排隊既人亦愈來愈多，依兩個月都冇幫襯lu...(有幾次夜晚經過，見到有成十幾人等位)。今日約左好耐冇見既朋友食lunch，見未夠一點，應該少d人，決定去好掛住既川粵。嗌左口水雞紅薯粉小辣湯x 2 + 兩杯涷檸茶。午市送飲品真係好鬼抵~~~檸茶冇咩特別。等左差唔多廿分鐘，個粉終於到。咦~~~~~~~~~~~~~~點解個湯咁紅既??以前小辣個湯係冇辣油架，要加口水雞d汁落去先辣架~~~~心諗死喇，個湯咁紅、咁辣點食呀 畢左少少湯試下，咦~~~~~點解個湯冇哂以前果d鮮甜，仲咁酸既??明明係嗌麻辣喎，點解會酸既呢??再夾舊雞試下，同樣失望以前d口水雞明明好滑架....因為個湯一d都唔辣，所以我地就起勢咁落浸住雞d紅色汁去碗粉度，但係落極都唔辣。畢左一啖汁飲，嘩~鹹到呢....以前如果空口飲一啖佢d辣汁，一定火燒咁...依家點解差咁遠架~~可能因為生意好左，個細細既廚房應付唔到咁多客，所以質素唔穏定la... 依餐真