十人十色 (已結業)

十人十色，去過4次。頭2次是因為食過覺得好味，特別，抵食才再去。跟住再係個到搞左一個Birthday Party平均每人200蚊落樓。都算不錯。昨晚又約朋友去食，點知今次的食後感覺係差左好多….由第一次去食到現在，前後只是3個月。分別差左好多!這店出名是壽司、魚生類。因為他們提供的魚生都好新鮮。-其招牌菜十人十色壽司，我就是因為覺得它樣子美觀、新鮮、平價($78一碟)才多次回來食。但昨晚食完後發覺，十人十色壽司不再平了, 要$98一碟。雖然說店舖出了名，加價都從應該，但係一加就加$20(成20幾%加幅)都好狼死。-環境方面比之前差，感覺上整間舖油膩感很重，地板有些滑要小心(油滑的感覺)。-男廁污穢(才星期四，人不多都咁污穢)。-服務差左，Waitress無晒笑容(個個都面黑唔知係唔係準備搞工潮^0^”)，仲成日落漏單…..。-今次有叫甜品食(第一次係到叫甜品)，發現原來呢間日本餐廳係無綠茶雪糕、草餅等和式甜品叫的，只有3種雪糕(Belgium比利時朱古力雪糕，Rum浪姆酒雪糕，另一種唔記得)。要成$22一杯(一球仔, 2口食完).今次食完覺得下次唔會再去了，因為都幾失望。