影片
更多
2014-10-10
6384 瀏覽
嘩，真係估呢間餐廳唔到，留下有個有禮貌嘅哥哥派傳單話"雖然我地係比其他放題貴少少但我地係做質素"又話生蠔鵝肝任食，200幾蚊一位，話有好多五星級酒店食物，講到好吸引，就上去睇下，個門口同入面仲裝修得幾靚，貪新鮮就試下......我兩位9點幾入去，正常係要等位等番半粒鐘到先有位，呢間唔係，反而得3，4台客，都覺得奇怪，不過冇理咁多，試下佢咩料...放題例牌首先都係食刺生先，點知睇第一張張落單紙，啞咗，得兩樣野食揀，鵝肝多士同三文魚刺生...其他刺生咩都冇-0-...算，出去睇下有咩食，仲誇張，野食全部我娘親都整得仲好睇好食，咩炒飯，肉醬咩天使面，芝士焗咩西蘭花，三色椒配咩牛肉，薯仔咩雞球，雞肉咩串燒等等嘅普通菜式見到都唔開胃。坐番埋位點野食，頂佢個X, 叫咩，咩都唔熱加唔好食，吉列炸野個啲都可以炸到林身，廚師好野！最後都係食下"澳洲即叫即開生蠔"算，應該唔會太差掛，叫咗4隻，食第一隻覺得冇味道，得個凍字，食第二隻，有料黎，又腥又喊，仲要係苦過廿四味嘅！俾個天我做膽都唔敢食第三隻!即刻飲水浪口，好彩啲水冇異味，如果唔係我真係死俾你睇，最後叫番杯正常係人飲嘅熱檸茶中和番。拿拿林埋單，啲服務員
我兩位9點幾入去，正常係要等位等番半粒鐘到先有位，呢間唔係，反而得3，4台客，都覺得奇怪，不過冇理咁多，試下佢咩料...
放題例牌首先都係食刺生先，點知睇第一張張落單紙，啞咗，得兩樣野食揀，鵝肝多士同三文魚刺生...其他刺生咩都冇-0-...
算，出去睇下有咩食，仲誇張，野食全部我娘親都整得仲好睇好食，咩炒飯，肉醬咩天使面，芝士焗咩西蘭花，三色椒配咩牛肉，薯仔咩雞球，雞肉咩串燒等等嘅普通菜式見到都唔開胃。坐番埋位點野食，頂佢個X, 叫咩，咩都唔熱加唔好食，吉列炸野個啲都可以炸到林身，廚師好野！
最後都係食下"澳洲即叫即開生蠔"算，應該唔會太差掛，叫咗4隻，食第一隻覺得冇味道，得個凍字，食第二隻，有料黎，又腥又喊，仲要係苦過廿四味嘅！俾個天我做膽都唔敢食第三隻!
即刻飲水浪口，好彩啲水冇異味，如果唔係我真係死俾你睇，最後叫番杯正常係人飲嘅熱檸茶中和番。
拿拿林埋單，啲服務員態度唔好我都費時出聲，費時俾熟人見到我係間咁有"質素"嘅餐廳食野，埋單400幾兩個人，完事即閃。
上openrice見到呢間野有10幾個都覺得正都ok, 我真係忍唔住寫番啲真實顧客食完感受！
題外話/補充資料：
大家信我，食老麥仲開心，呢餐食到我背脊骨落！
(以上食評乃用戶個人意見 , 並不代表OpenRice之觀點。)
張貼