名館 (黃埔天地) (已結業)

銅鑼灣嗰間好食，上次都嚟呢度食咗酸菜魚，覺得好味，有水準，所以今日都返嚟食酸菜魚！唔知係咪餐牌轉左？食物嘅選擇少咗好多！但係照叫返酸菜魚、牛柳粒、鮑汁豬手同埋蒸秋葵！嘩！點知上嚟啲餸全部好似小食一樣，份量非常之少，比例牌仲要細！蒸秋葵可以，但係啲醬好多好鹹！鮑汁豬手應該好味嘅，但係豬手冇乜肉，多骨份量太少牛柳粒都係數埋我諗有8粒，牛柳好香又諗，但似乎係用鬆肉粉！期待咗一窩酸菜魚，賣相就非常之好啦！魚嘅質素都係理想嘅！但係估唔到啲酸菜係勁鹹苦，好似冇洗過一樣！完全食唔落口！食咗要🤮返出嚟！可惜影響晒成個酸菜魚！仲有呢，叫咗好耐都冇人應我哋落單，同埋等咗好耐都冇人斟茶啊！以後唔會再嚟食啦！