影片
更多
2011-04-09
21 瀏覽
參加咗beecrazy o既團購以$148 + 42.5 (原價加一) o既價錢試食極上澳洲M4和牛鐵板燒9道菜晚餐, 冇諗到得嚟o既卻係參加團購以來最差勁o既一次經驗.先講食物:薯仔沙律 - 一個雪糕球o既份量, 味道可以, 只係伴碟o既菜唔係好新鮮, 感覺就好似喺啲廉價餐廰預備咗大量放喺雪櫃o既預製食物.冰島池魚他他配三文魚魚生 - 兩片三文魚 + 6-7"條"池魚刺身, 重算新鮮但食唔出同平時啲刺身有何分別.法國新鮮大蜆清湯 - 一碗清湯入面有一隻大蜆, 不值一提.法國鮮鵝肝 - 一件鵝肝多士, 件鵝肝係幾好食, 不過恐怕係塊多士太大, 若果唔係點解塊鵝肝放喺上面會四邊都都掂唔到塊多士邊?生吞拿魚腩壽司 - 一件約4cm大細o既壽司, 飯好鬆軟, 魚生極薄, 味道應該算唔錯啩, 畢竟咁o既份量真係唔係好試得真啲味道.極上澳洲M4和牛薄燒 - 只係兩件牛肉薄燒, 實在食唔出M4和牛o既味道.鐵板炒飯 - 半碗炒飯, 送嚟o既時候真係得半滿, 乜啲米好貴咩? 至於味道, 唔好得過我去正村食$48碟o既和牛炒飯囉.炒雜菜 - 大約一個豉油碟份量o既炒椰菜, 就係普通炒菜囉.法式燉蛋 -
先講食物:
薯仔沙律 - 一個雪糕球o既份量, 味道可以, 只係伴碟o既菜唔係好新鮮, 感覺就好似喺啲廉價餐廰預備咗大量放喺雪櫃o既預製食物.
冰島池魚他他配三文魚魚生 - 兩片三文魚 + 6-7"條"池魚刺身, 重算新鮮但食唔出同平時啲刺身有何分別.
法國新鮮大蜆清湯 - 一碗清湯入面有一隻大蜆, 不值一提.
法國鮮鵝肝 - 一件鵝肝多士, 件鵝肝係幾好食, 不過恐怕係塊多士太大, 若果唔係點解塊鵝肝放喺上面會四邊都都掂唔到塊多士邊?
生吞拿魚腩壽司 - 一件約4cm大細o既壽司, 飯好鬆軟, 魚生極薄, 味道應該算唔錯啩, 畢竟咁o既份量真係唔係好試得真啲味道.
極上澳洲M4和牛薄燒 - 只係兩件牛肉薄燒, 實在食唔出M4和牛o既味道.
鐵板炒飯 - 半碗炒飯, 送嚟o既時候真係得半滿, 乜啲米好貴咩? 至於味道, 唔好得過我去正村食$48碟o既和牛炒飯囉.
炒雜菜 - 大約一個豉油碟份量o既炒椰菜, 就係普通炒菜囉.
法式燉蛋 - 有綠茶香味, 味道都質感都算唔錯.
食完9道菜都只係半飽, 以$190.5 o既團購價錢都嫌佢貴, 莫講話所謂$425 o既正價! 再加上啲差勁o既服務, 真係食咗都背脊骨落呀!
首先去到坐喺吧檯5分鐘以上先有人俾杯茶我, 明知我食團購餐卻只有俾我一個正價餐牌, 要我用手機上網搵番個團購菜單先記得呢餐究竟有啲乜嘢食. 跟住我張檯就淨係放豉油, 要我見到隔離食團購餐o既檯放多左碟食鐵板燒o既醬再問佢哋, 先識搵番碟醬俾我哋. 但呢啲都唔重要, 之後o既嘢先至真正令我火滾!
我哋坐咗喺吧檯, 一邊係吧檯出入口, 另一邊坐咗一對遲過我哋嚟食團購餐o既情侶. 上菜到後期, 我哋兩檯o既菜通常都係同一時間上, 到上炒飯嗰陣, 有兩個女侍應, 一個放低兩碗炒飯俾佢哋, 另一個俾咗一碗炒飯我, 但就係偏偏冇上到俾坐喺我哋中間o既我老公. 咁都唔係問題, 問題係上完之後嗰兩個女侍應企咗喺吧檯出入口, 望一輪跟住討論啲炒飯究竟上齊晒未, 而結論居然係上齊晒! 我忍唔住出聲同佢哋講, 我呢檯好似重爭一個炒飯喎! 之後, 我見到其中一個女侍應喺吧檯上面攞咗一碟壽司俾我哋隔離嗰檯, 我即時望吓菜單應該係吞拿魚壽司, 心諗佢哋應該轉個頭會攞埋俾我哋啦. 點知到食完碗炒飯都未有, 就同一個男侍應講話爭碟壽司. 跟住我見個男侍應即時同吧檯入面o既壽司師傅講, 而個壽司師傅話我哋嗰碟應該已經出咗, 咁個男侍應就走去搵之前上菜o既女侍應問清楚啦. 諗住搵個女侍應番嚟澄清咗就應該冇問題, 點知個女侍應行到我哋旁邊o既吧檯出入口居然隔空同我壽司師傅話我哋嗰檯應該上咗啦喎! 我即時火都嚟, 即時同佢講我哋真係冇食過壽司喎, 淨係見到佢上俾隔離嗰檯咋喎! 雖然個壽司師傅話冇問題, 即刻補番俾我哋同話應該係搞錯咗, 但無啦啦咁俾人屈真係好慶! 我係要屈你都屈話鵝肝未上啦, 你嗰丁咁大舊o既壽司值幾錢呀? 嗰一百幾十我重俾得起!
總而言之, 呢一餐正式係貼錢買難受, 下一次就算佢比今次團購再平一半, 我都唔會再嚟!
張貼