妹記大排檔 (已結業)

以前食妹記，可以用"正" 黎形容， 今次再食，佢搬左位，好似連廚師都換埋咁！ 7點半一入去，位都唔駛等，都覺得怪怪地！叫左4 樣野，豬手，鬼馬油炸鬼，炸墨魚咀，金銀蛋白菜1. 炸雞肉當墨魚咀，先講個炸墨魚咀， 根本唔係墨魚咀，食落完全無爽口的感覺， 我地一行4 人食落都覺得怪怪地... 之後覺得好唔正常，唔爽口都算啦，點解咬開會有肉絲？ 墨魚唔會有一條條肉絲掛？ 咁未同個侍應講lor,本來諗住佢可能黎錯野，點知佢地死都話呢個係墨魚咀，墨魚咀係咁，唉！ 唔好侮辱我地幾個人的味蕾啦！明顯係唔知咩肉啦！ 之後個侍應話一下幫我地取消單， 我地都廢事理論落去， 最後悔係唔記得影相俾大家睇下！ 一定係肉2. 金銀蛋白菜點解金銀蛋會有蕃茄？ 好怪lor... 忍唔住再問個侍應點解金銀蛋有蕃茄？ 佢話菜單有寫... 算！當我地叫個時無問清楚... 但真係好怪，d 白菜又老！鬼馬油炸鬼- 難食-好似未熟呢個招牌菜，之前次次食都覺得好正，點知我一食就覺得好怪，d 墨魚滑一d 都唔彈牙，一pat pat 咁仲有d 粉粉地，黏黏地...好似未炸熟咁.... 唉... 我都廢事再同佢理論，廢事佢地以為我地搞事.