影片
更多
2010-01-22
18 瀏覽
遺忘了這篇食評，幸好找回相片，因值得紀念。2009年做冬，相約老豆及弟弟去打邊爐，老豆一講就話去大家樂，大佬做節唔係又大家樂嘛？一聽到要出旺角即時妖媽拆蟹大力反抗，又嫌遠又嫌唔好食又話怕生保，最後要我地兩兄弟抬佢上的士先肯離開藍田﹗本來佢都嬲爆爆，不過出到旺角後又話都好多年無出過o黎，口硬心軟之流。地點是我食開的春夏秋冬，6:30pm時份人未滿，難得一家人食飯一於吃大佢﹗點了醉雞鍋，是日沒有特價，$68無咩所謂吧﹗份量足，雞肥美而大隻，湯底藥材味濃，雞件雖是雪藏貨但放湯後肉多亦嫩，家父也吃了很多。牛當然是吃這兒做得最好又抵食的神戶牛，一碟三個人分已很夠數，紋理靚，雪花綻放，牛肉軟滑鮮美亦夠牛味，$98的價錢可吃到這種牛，吃過很多地方也找不到﹗腐皮卷未夠鬆脆，不是即叫即炸，輕灼下口感很韌毫不鬆化，不是主打貨色﹗墨魚滑彈牙夠味，可惜份量少左0的﹗一人兩轉已食哂﹗水餃很足料，隻隻肥仔飽滿，肉味香濃，不過落完之後記住撈起，唔係散哂﹗鱔片偏韌，老豆話未食過鱔咁鬼韌，下次唔會叫﹗最後吃個生炒糯米飯結尾，炒得尚算乾身，臘味足，豉油也下得恰好，夠味好食，吃完十分暖胃﹗及後聽到老豆話呢度0的野幾好食，下
2009年做冬，相約老豆及弟弟去打邊爐，老豆一講就話去大家樂，大佬做節唔係又大家樂嘛？一聽到要出旺角即時妖媽拆蟹大力反抗，又嫌遠又嫌唔好食又話怕生保，最後要我地兩兄弟抬佢上的士先肯離開藍田﹗
本來佢都嬲爆爆，不過出到旺角後又話都好多年無出過o黎，口硬心軟之流。
地點是我食開的春夏秋冬，6:30pm時份人未滿，難得一家人食飯一於吃大佢﹗
點了醉雞鍋，是日沒有特價，$68無咩所謂吧﹗份量足，雞肥美而大隻，湯底藥材味濃，雞件雖是雪藏貨但放湯後肉多亦嫩，家父也吃了很多。
牛當然是吃這兒做得最好又抵食的神戶牛，一碟三個人分已很夠數，紋理靚，雪花綻放，牛肉軟滑鮮美亦夠牛味，$98的價錢可吃到這種牛，吃過很多地方也找不到﹗
腐皮卷未夠鬆脆，不是即叫即炸，輕灼下口感很韌毫不鬆化，不是主打貨色﹗
墨魚滑彈牙夠味，可惜份量少左0的﹗一人兩轉已食哂﹗
水餃很足料，隻隻肥仔飽滿，肉味香濃，不過落完之後記住撈起，唔係散哂﹗
鱔片偏韌，老豆話未食過鱔咁鬼韌，下次唔會叫﹗
最後吃個生炒糯米飯結尾，炒得尚算乾身，臘味足，豉油也下得恰好，夠味好食，吃完十分暖胃﹗
及後聽到老豆話呢度0的野幾好食，下次都係要再強行帶佢離開藍田同埋官塘先得。
弟弟升職加薪作東，這個做冬真的美妙﹗
的士來的士回，之後同弟弟到尖咀飲酒吹水，第一次了吧，值得留個紀念﹗
張貼
