覓食家

知道元朗有間食巨型炸脾嘅小店係雞地附近，終於可以去試下。佢地由舊舖搬左去新舖後，更大更寬敞。

至識食雞脾煎蛋飯

$42

主打雞脾飯，當然要試左先，其實我見到有其他人叫羊肉飯都好吸引🙈🙈


雞脾飯可以配豉油汁或黑椒汁，喜歡
濃味嘅我當然係揀黑椒汁。一上到枱，果然好大隻脾，同我塊面差唔多😂😂黑椒汁似學生飯嘅味道，食落好濃郁，甜甜地，好有回憶。


咬落去皮脆肉嫩，雞皮炸得脆卜卜，食落好似薯片。肉質又唔會嚡口，仲好Juicy。本身雞脾已經醃過，不過加埋孜然粉會更惹味。


哩間係食過咁多炸脾，個人最滿意嘅一間，下次要試羊肉飯。