荔香園冰室 (已結業)

今日喺旺角搵嘢食～見到呢間荔香園冰室～唔知點解令我聯想起荔園，所以就唔小心入咗去食喇～環境裝飾得好懷舊，店內都播住八九十年代嘅歌侍應都幾有禮，仲介紹我哋食每日限售嘅套餐～不過，我不敵巨脾嘅誘惑～揀咗巨脾雜扒餐～呢個巨脾雜扒餐又真幾抵食～有一隻大滷水雞脾、一隻煎蛋、兩隻雞翼，兩條腸仔、一塊豬扒、一塊火腿同埋沙律菜賣相幾吸引，雞脾同雞翼都入味，但滷耐咗，肉有啲鞋煎蛋煎得好靚仔，蛋黃流出好吸睛～兩條腸仔用心煎過，而唔係求其煎兩嘢就上碟～係我鐘意嘅煎腸仔～沙律菜剪碎咗容易入口，好快就比我食晒～最後食剩豬扒同火腿，其實好飽喇～但我都切咗小小豬扒嚟食～不過好乾好鞋～不過呢個餐真係好抵食，咁鬼多嘢～朋友揀咗限售套餐～薑蔥魚腩煲～即叫即整，買晒就無～嚟到嘅時候熱辣辣出晒煙，好似好好味咁我就夾咗一舊嚟試～老實講....一般般，有啲腥，食唔到薑蔥味...個人覺得唔需要限售～都係我個巨脾吸引啲～