SupBurwich (已結業)

今日特登坐車嚟到大角咀試吓近排人氣旺盛嘅熱狗店🙈佢哋嘅熱狗係即叫即整，所以大概要等10幾分鐘左右先至會送到手上🤭我買完外賣打咗卡之後我就即刻搭車衝返屋企享受我嘅午餐🥣我冇諗過呢個熱狗竟然咁大份‼️我搭車嘅時候香味仲要充滿成㗎巴士😆我聽到前面個小朋友同媽咪講話佢覺得好香好肚餓😂🌭️俄勒岡肉醬熱狗🌭️坐咗15分鐘巴士返到屋企嘅時候熱狗仍然係熱辣辣，我覺得佢哋嘅外賣盒設計得幾好唔會令到熱狗嘅醬汁倒瀉到周圍都係👍🏻肉醬除咗有香料嘅香味之外，當然梗係唔少得要有蕃茄味啦‼️肉醬嘅份量都幾多充滿晒成個包面❤️肉腸就算經過烹調之後仍然係充滿肉汁🙈會介紹多啲朋友一齊食🫶🏻😆