阿部屋日式板燒．豚肉專門店

營業中

休息中

再戰呢一間餐廳！都係嗰句，性價比實在太高，今日叫咗:✨浦燒鰻魚珍珠飯 仙台手打豬肉丸湯 個鰻魚都幾厚身，而且調味非常之好，唔會太鹹亦都唔會太甜，小小幼骨在所難免 ，但小編特別喜歡佢嘅芝麻香氣。雖然仙台出名食牛舌，但係呢一個手打豬肉丸湯亦都非常唔錯，湯底幾雪白！✨洋風咖哩珍寶雞髀飯 講到明珍寶，份量真係嚇死人，直程蓋過咗個飯碗！咖喱味道唔會太過辛口，咖喱汁亦都滿佈住洋蔥，超級惹味✨額外叫多咗份酥炸忌廉蟹肉餅 ，即叫即炸，上枱熱辣辣，咬落去特別酥脆亦都唔會太過油膩，最後兩個人真係飽到要喺大埔海濱公園散吓步！最最最最最後，今日 旬之果物係切好咗嘅哈密瓜，只係加$10就食到飯後果。而家餐廳仲可以免費轉檸檬，菊花蜜糖洛神花蜜，推薦大家去幫襯一下。最遺憾嘅今日都未有帶狗仔，希望下次佢都可以參與呢一間寵物友善嘅餐廳哈哈。