MIX (已結業)

2020年就快過去，今年帶足一年口罩，連朋友都疏離咗好多，趁着聖誕過後仲有幾日，急約左朋友出嚟一齊食飯。因為宜家晚市沒有堂食，所以就翻朋友喺太子嗰度收工，揀咗間新開嘅餐廳。餐廳感覺好chill，走工業風路線，岩曬我地慢慢傾下計食下野。西班牙黑毛豬叉燒叉燒是用半肥瘦的豬肉烤製，烤至顏色鮮艷潤澤，而且食落不覺叉燒太乾口，比我配多碗飯就正啦。金沙魷魚圈 金沙名副其實就係鹹蛋黃，做法是將鹹蛋黃將其裹上，食落熱辣辣，酥脆的外皮非常之香口惹味。另外再配上炸洋蔥圈，總是讓人一口接著一口。澳洲和牛漢堡麵包烤得香脆可口，帶有陣陣牛油之香味。如果洋蔥能夠略略煎香表面，那就更能突出和牛漢堡之味道。話曬想同朋友摸吓酒杯底傾吓心事，所以都嗌左杯啤酒一齊飲，飲洛口比平時嘅啤酒感覺清淡一啲，岩曬女仔，相對麥味冇咁重。