影片
更多
2021-02-22
1738 瀏覽
早兩星期同朋友係堅尼地城經過，見到唔少途人企係一間店舖前面，原來係因為個度開左一間西式烘焙店🎊 可惜當時透過玻璃櫥窗見到所有產品賣晒要等下一輪出爐時間，我地就唯有隔(上)個星期再去😆.烘焙店內外係清一色既水泥牆甚為簡約，賣既產品種類亦唔算太多，都係近期大熱既吐司、可麗露、吉士撻、玉桂卷同巴斯克芝士蛋糕等；店內有間房仔入面有台大型焗爐，產品每日由店內新鮮出爐💁🏻♀️當日本來想試下呢度既吉士撻🥧，可惜見到有部分因為內餡不足而出現下陷同破洞情況，賣相唔多討好，當時亦聽到身邊既途人討論點解咁樣都拎出黎賣，我諗烘焙店真係要改善一下呢方面，畢竟賣相係好影響食慾🙈.另外當日我地買左6件食品，各自盛載係幾個紙袋內，當時我地手上拎住野唔太方便拎住咁多袋，店員見到不但無主動詢問需唔需要一個手抽袋🛍集中裝起，當我地反問有無手抽袋後對方就解釋怕會壓到泡芙筒，我地先知原來呢度係有手抽袋只係唔問唔會提供，至於店員既說法亦令我地感到不解😥******************************✨ Original unicorn puff ($38)呢款吉士醬內餡既泡芙筒係呢度既招牌，有原味/竹炭抹茶/榛子/朱
早兩星期同朋友係堅尼地城經過，見到唔少途人企係一間店舖前面，原來係因為個度開左一間西式烘焙店🎊 可惜當時透過玻璃櫥窗見到所有產品賣晒要等下一輪出爐時間，我地就唯有隔(上)個星期再去😆.
烘焙店內外係清一色既水泥牆甚為簡約，賣既產品種類亦唔算太多，都係近期大熱既吐司、可麗露、吉士撻、玉桂卷同巴斯克芝士蛋糕等；店內有間房仔入面有台大型焗爐，產品每日由店內新鮮出爐💁🏻♀️當日本來想試下呢度既吉士撻🥧，可惜見到有部分因為內餡不足而出現下陷同破洞情況，賣相唔多討好，當時亦聽到身邊既途人討論點解咁樣都拎出黎賣，我諗烘焙店真係要改善一下呢方面，畢竟賣相係好影響食慾🙈
.另外當日我地買左6件食品，各自盛載係幾個紙袋內，當時我地手上拎住野唔太方便拎住咁多袋，店員見到不但無主動詢問需唔需要一個手抽袋🛍集中裝起，當我地反問有無手抽袋後對方就解釋怕會壓到泡芙筒，我地先知原來呢度係有手抽袋只係唔問唔會提供，至於店員既說法亦令我地感到不解😥
******************************
✨ Original unicorn puff ($38)
呢款吉士醬內餡既泡芙筒係呢度既招牌，有原味/竹炭抹茶/榛子/朱古力4種口味
泡芙筒外層既酥皮據稱有成486層咁多，口感鬆脆，牛油味🧈頗香濃略似拿破崙；筒內爆餡既吉士醬質感幼滑，比連鎖泡芙店出品既較為厚身但唔會令人覺得甜膩🤗
殘酷既係港式懷舊食品奶油筒被西化之後價格💰連帶上漲幾倍，個人認為定價過於進取CP值唔高，試過就算🙈
-
✨ Hazelnut unicorn puff🌰($42)
榛子味既呢款筒口位被杏仁碎粒同脆皮朱古力包圍，朱古力🍫味道濃郁不過就偏甜左少少🤏🏻
比較想講既係有時係其他地方食到既榛子醬/榛子味食品都總會帶有朱古力味，而呢個泡芙筒既榛子吉士醬味道純正，個人覺得比原味更出色👍🏻
如果有朋友想一試呢度既泡芙筒的話，個人建議可以直接試原味以外既3種口味🤫
-
✨ Canneles ($35)
外層焦香味非常濃郁，內部蜂巢組織濕潤有彈性，食落奶香味🥛都幾重，不過就唔太食到冧酒🍷既味道
另外因為外層比較硬脆，食既時候要較為小心，否則會刮損上顎🙈
-
✨ Cinnamon roll🌀 ($24)
最近迷上肉桂既獨特香氣，自從得知呢度有賣肉桂卷之後已經好期待🤩
肉桂卷外層酥脆，有d似 #bakehouse 既牛角包🥐，不過個人認為糖霜既黏感較低比較乾身，而且肉桂香氣唔明顯，如果重口味/肉桂控既朋友食完應該會同我一樣，有種若有所失既感覺😕 個人心目中都係偏好 #fshongkong 出品既肉桂卷😛
-
✨ Basque burnt cheesecake🍰 ($88)
近呢一年巴斯克焦香芝士蛋糕既人氣十分高企🔥，呢度就有原味同抹茶🍵兩種口味可以選擇
由於本人對於芝士蛋糕既好感度一般，當日試左呢款原味就覺得佢既表面無咩焦香味，反而可麗露既焦香味更加突出😓同埋呢度既焦香芝士蛋糕偏粗糙唔夠順滑，檸檬汁🍋既味道亦偏重，個人覺得比較似係食緊普通既芝士蛋糕多於焦香芝士蛋糕🙈
至於朋友係呢款蛋糕既愛好者都認為質素同味道只屬一般，同樣係試過就算既item🤭
******************************
👧🏻人均消費：$110-$120
😋味道指數：2.8/5
💰抵食指數：2.8/5
🪑環境指數：3/5
💁🏻♀️服務指數：2.5/5
👍🏻再訪指數：2.5/5
-
📍Soft Thunder
地址：西環北街29-31號地下A號舖
⏰營業時間：11:00–20:00 (Mon–Sun)
張貼
