泰玖 (已結業)

荃灣真係好多小店，今次去了曹公坊街市附近搵食，見到一間兩層，走型格工業風的泰菜餐廳，非常顯眼，於是決定去試一下。進入店內，侍應就帶我們穿過一條長走廊，走上二樓就坐。四周鋪滿半牆的花磚，擺滿黑桃木色的餐桌，加上黃燈，懷舊而不失型格。聽聞這家咖哩同海鮮十分出色，兩樣都點齊，再加上泰式蟹肉奄列，兩個人吃了3道菜，滿足而回。先談一下前菜，蛋卷包著滿滿的蟹肉，吃得出蟹的鮮甜，又食到蛋香。第二道是泰式青咖哩雞肉，滿滿的各種泰式香料味道，香甜濃郁，除了雞肉，不得不讚配料也恰到好處，食到豆角嘅爽脆而沒有青草味，茄子吸收了咖哩汁，十分入味。最後一道菜是泰式明爐桂花魚，另附一碗酸湯，讓我們能自行添加。桂花魚十分鮮甜，肉質順滑，酸湯酸辣度十足，令人一飲再飲。