吃吧 (僑建大廈) (已結業)

呢間樓上西餐廳幾闊落，採用工業風格嘅裝修，燈光比較暗～餐廳主打西式fusion菜，菜式都幾特別創新，好似片皮鴨pizza或者係大啡菇牛柳嗰啲，全部都勁吸引！佢哋嘅出菜速度都值得一讚，坐低嗌完嘢食，冇幾耐就已經全部嚟齊，勁快！另外，餐廳仲搜羅咗好多本地手工啤，多花款而且價錢又唔貴，啱晒鍾意試新嘢嘅朋友仔！------------------------------🍱◖吃吧招牌拼盤◗ $138個木盒小食拼盤好抵食，一次過試曬六款小食，分別係黑魚籽糖心蛋、煙三文魚珍珠洋蔥、煙燻&松露芝士配梳打餅、芒果莎莎鮮蝦芝士餅、毛豆、火腿蜜瓜，擺盆超精美，真係攞啲煙去焗住佢，每樣都細細有少少煙燻嘅香氣，過下口癮啱啱好！尤其鍾意佢個鹹香嘅芝士，配梳打餅更加帶得出芝士嘅香味，其他小食同樣地都好出色！🍕◖京醬烤鴨薄餅◗ $138薄餅分到八件，係薄批邊，比較薄脆，邊邊位有啲似餅乾嘅口感，食落幾香～薄餅先搽咗薄薄嘅茄汁，面頭舖上大量芝士，再放上煙燻鴨胸先拎去焗，焗到芝士微燶好香脆，🥩◖慢煮香草牛柳配松露泡沫大啡菇◗ $188呢個菜式擺款好似漢堡包咁，最頂掃落嚟會係大啡菇、牛柳同薯蓉，夾住一齊食，又juicy