更多
2021-05-31
4886 瀏覽
呢間韓燒依我印象都系銅鑼灣開咗幾耐，經常見到人推介，但都未去食過。朋友提起就一齊去咗試吓。總括嚟講嘢食質素平均，無論係燒肉定主食都唔錯，但爐火比較難控制，一唔留神就好易燒燶嘢 😂因為同行朋友都唔食得牛肉，所以我哋就重點試豬肉。韓國釜山工業城市其實燒豬比燒牛更加補普及，價錢亦都親民。呢到嘅佈置同燒烤格局同釜山嘅燒肉店都有7成似，豬肉份量可以。燒爐兩邊會有長條彎型鑊放但泡菜炒蛋同芝士炒蛋，兩款我都好鍾意食 😆 一坐低之後枱面亦都已經放好前菜小蝶。朋友們都話佢地嘅 kimchi 堅係辣，我諗係用私家配方醃製。喜來五花肉 $138五花肉嘅厚薄適中，唔晒燒好耐已經燒到兩邊金黃色脆口。油脂平均。一份約有11/12塊左右，夠三個人食。護心肉 $158冇試過護心肉嘅我哋比呢個部位吸引咗。護心肉系條狀上嘅，感覺有啲似豬柳，但比豬柳軟身，燒完之後肉味香濃，幾過癮。鐘意啖啖肉或者平時鍾意食扒的話應該會幾鍾意食。調味醬油雞肉 $110雞肉應該係用去骨雞髀肉，嚟到時好大塊要自己剪開。預先醃好咗非常重口味。個人覺得就鹹咗啲，送飯食的話會啱啱好。辣魷魚 $160魷魚好大塊亦都好多塊，份量最慷慨。食極都仲有。好易燒，
因為同行朋友都唔食得牛肉，所以我哋就重點試豬肉。韓國釜山工業城市其實燒豬比燒牛更加補普及，價錢亦都親民。呢到嘅佈置同燒烤格局同釜山嘅燒肉店都有7成似，豬肉份量可以。燒爐兩邊會有長條彎型鑊放但泡菜炒蛋同芝士炒蛋，兩款我都好鍾意食 😆 一坐低之後枱面亦都已經放好前菜小蝶。朋友們都話佢地嘅 kimchi 堅係辣，我諗係用私家配方醃製。
喜來五花肉 $138
五花肉嘅厚薄適中，唔晒燒好耐已經燒到兩邊金黃色脆口。油脂平均。一份約有11/12塊左右，夠三個人食。
護心肉 $158
冇試過護心肉嘅我哋比呢個部位吸引咗。護心肉系條狀上嘅，感覺有啲似豬柳，但比豬柳軟身，燒完之後肉味香濃，幾過癮。鐘意啖啖肉或者平時鍾意食扒的話應該會幾鍾意食。
調味醬油雞肉 $110
雞肉應該係用去骨雞髀肉，嚟到時好大塊要自己剪開。預先醃好咗非常重口味。個人覺得就鹹咗啲，送飯食的話會啱啱好。
辣魷魚 $160
魷魚好大塊亦都好多塊，份量最慷慨。食極都仲有。好易燒，亦都非常香口。雖然話係辣，但其實最主要只係香味。唔食得都辣都可以試下真係。燒完軟淋爽口～
菇類蔬菜 $100
唔想太油膩我哋最後加咗盤蔬菜燒吓，菇類拼盤包好多款式嘅蘑菇。有條形嘅菇類、同非常啱爐燒嘅雞髀菇。
芝士石鍋拌飯 $85
其實我自己覺得燒肉店黎講佢地嘅主食算做得幾出色。呢個芝士飯拉芝效果唔明顯，但芝士夠細膩，非常好撈飯。Comfort food 嘅質感，每食一啖都覺得好滿足。而且係冇肉嘅素食者都可以一試。
水冷麵 $85
朋友話其實佢一直想試下水冷麵，個人覺得冷麵其實幾適合送燒肉，一冷一熱可以中和番燒肉嘅灼熱感。冬粉煙韌度岩岩好，唔會咬唔開。嗰湯亦都恰到好處唔會過鹹。
海鮮蔥餅 $90
去韓國餐廳都鍾意嗌呢味，因為每間餐廳炮製出嘅煎餅口感上總會有好大分別。呢間嘅煎餅就偏淋身嘅，但會好粉，海鮮料足，可以咬到淡淡章魚。可以再剪得香口啲，不過都唔差架喇其實
張貼
