Pati by Lassana (已結業)

公司附近開了個food court成年幾，今日終於和同事去試左，裡面有好多種類既餐廳，有韓式、日式、馬來西亞、意粉、車仔麵……等等，但最吸引我都係依間主打西式食物既餐廳。佢地午餐分3類：是日意粉餐，沙律餐和自選午餐，我選了1人自選午餐$59包括一個三文治或Main course、side dish和一份沙律，整體份量都算多，一個人食，夠晒飽肚。Main course叫了BBQ醬燒肋骨，醬汁酸酸甜甜，唔會太過甜膩，肉質稔軟，有小小脂肪位，唔使太用力切割，骨肉已完全分離。Side dish就叫了焗茄子，用番茄醬焗，酸酸甜甜都頗開胃；而沙律我選了沙津醬長通粉，長通粉好彈牙，配料有火腿、栗米、沙律菜和車厘茄，再加上有小小芥末味既沙津醬，好有口感，好開胃。餐飲就加了$8試左杯熱Mocha，頗重朱古力味，仍嚐到咖啡香，唔錯。向來都喜歡可以給客人自選菜式既Lunch，可以Mix & match，選取自己最favourite既野食，估唔到係餐廳選擇乏悶既工業區仍找到這類型既餐廳。整體食物味道唔錯，用合理既價錢可以食到幾款西式食物，算係工業區罕見。