Catio (已結業)

今日有朋友介紹一間乾淨企理嘅貓cafe，自己本身冇養貓，不過成日都會去朋友屋企玩，貓Cafe就未去過，所以發掘下新體驗。我朋友提我先預約，發覺佢哋Booking都幾full，好好彩我book咗第一個時段即係12點去，咁當時係冇乜人嘅。但係過咗15分鐘之後整個貓Cafe已經多咗好多人。餐廳佈置——餐廳佈置簡約潔淨，防疫用品齊全，佢哋仲好貼心地安排左鞋套比訪客，又有座位可以安心著鞋。服務——點餐用QR code，方便快捷，有set meals選擇，好快我點左桂花茉莉茶同辣肉腸薄餅。cafe入面嘅貓有好大空間走動，旁邊有一棵好高嘅樹比貓仔玩。我點樣野食就開始影相。❤️桂花茉莉茶——使用左錐型茶包茶，用料十足，一路飲茶已經有貓仔爬上去座位，我就把握機會狂影相。辣肉腸薄餅——係我最鍾意嘅薄pizza！辣肉腸好惹味，最重點係芝士可以拉到絲。薄身嘅薄餅感覺脆卜卜食左半個都唔覺滯。食吓野玩下已經成兩個鐘，好抵嘅娛樂，想chill一定再嚟。