華香雞 (已結業)

嚟到觀塘嘅工廠大廈，唔使我講大家都知有好多好嘢食，今次嚟到呢間餐廳一聽到個名就知道係主打食雞啦，我哋一入到去呢間餐廳就馬上order左一份茶香雞同埋招牌嘅華香雞，另外再加多左一份豪仔餅，茶香雞同華香雞一嚟到茶香雞好明顯有煙燻嘅味道，而華香雞就係佢嘅招牌野，啲雞肉食落好滑好正，有一種大快朵頤嘅感覺，而豪仔餅方面煎得好鬆脆亦都好足料，茶香雞同華香雞俾我揀嘅話我會選擇華香雞，因為始終係佢嘅招牌嘢同埋比較啱我口味。