Oldish (已結業)

平日一至五都會係官塘出入, 對呢區嘅餐廳一向印象麻麻, 但今日有美女飲食達人帶路, 黎到位處工廠區嘅Oldish Cafe, 工業風嘅裝修擺設, 加上星期六帶著休閒嘅心情來臨, 整體感覺非常不錯。夏日炎炎, 去到餐廳雖然係冷氣充足, 但一杯透心涼嘅凍飲先係我地心中所渴望。分別有蝴蝶藍、芒果蜜桃茶嘅凍飲, 味道清新、果味自然、甜味適中, 最吸引嘅地方係蝴蝶藍係加添檸檬後, 會變成紫水晶般嘅顏色, 奪目非常!飲過飲料之後, 就去到餐廳中央位置嘅沙津吧開餐: 栗米、菠蘿、車厘茄一應俱全, 再按自己喜好加添沙津醬汁, 絕對係啱晒我口味!而友人就點左呢個扒鮮吞拿魚沙津配芝麻醬, 沙津菜固然爽口, 新鮮, 畫龍點精之處就係鮮吞拿魚, 質感夠結實, 魚鮮亦十足, 非常適合夏日進食!我身為愛牛之人, 點可以唔選擇安格斯肉眼扒。牛扒份量非常之大, 6成熟, 煎得外表香烤, 但肉身仍保持粉嫩, 易於嘴饞。配有香辣粉薯條, 係熱辣辣嘅即炸薯條上灑上適量嘅香辣粉, 令人相當滿足!食完正餐之後, 當然係甜品時間, 分別有椰子雪葩同埋Tiramisu。椰子雪葩份量滿滿, 但唔會食膩, 原因係成份天然, 感覺清新。