新匯聚打冷小廚 (已結業)

今日同朋友二人到觀塘找好野食比我地搵到一間打冷店，飯店面積好大，職員非常有禮貌的招呼，先安排我地到卡位就坐！點了鹵水掌翼做餐前小食，份量比想像中多，好香花椒八角味，掌翼亦已好拆裝，等你食的時候唔使咁狼狽底下有豆付襯托!打冷梗係唔少得蠔仔粥，原本想點個大size的，但職員說細的已夠食蠔仔好大隻，無腥味，粥底好香方魚味，身為潮洲人既我都覺得挺正宗。生啫銅盆魚雲用薑蔥爆過後再加錫紙焗煮，非常入味及有鑊氣！豆豉鯪魚油麥菜不會太油，鯪魚份量亦好足夠！