禮食品市場 (已結業)

今日同大家介紹一間位於九龍灣工廠大廈既黃店。曾經係九龍灣返工既我都深深明白，九龍灣工廠區真唔多野食😖！呢間餐廳位於大渣哥斜對面既環球工商大廈中，午市會提供日式套餐，例如咖哩飯同烏冬，前排我就試左廚師推薦既鰻魚飯，味道都OK!先講下個份量，我本身都算大食🤣，我食呢個飯都夠飽，證明份量都夠！鰻魚都幾大條，差唔多有一條。鰻魚本身係用最常見既關東煮法，加上鰻魚幾厚肉，所以食落軟腍腍，亦好有口感。雖然鰻魚食落有少少骨都正常，幸好都食到落肚！正常只係食貴既鰻魚飯（至少$200起），師傅至會幫大家挑魚骨，所以食平野大家唔好想太多！另外，幸好鰻魚汁剛剛好足夠，所以食飯時都唔太dry！鰻魚飯仲附送一舊玉子燒，食得出係有上湯味，味道都算濃郁！另外值得一提，呢度既午餐包一碗味噌湯，以自己既喜好落海帶同麩，我自己都落足料！我覺得呢間餐廳以黃店嚟講都可以。另外，相信近排大家多左在家煮飯🤣。無論係屋企home office定正常返工，買一餐好餸一定係最傷腦筋。係九龍灣返工既朋友，除左可以嚟試下佢地既Lunch外，仲可以嚟買餸。呢度有賣各種日本食材，方便大家唔洗放工又要趕住周圍買餸煮飯！想知大家就上嚟睇下啦！