Libra by Little Prince (裝修中)

原來葵涌工廠區呢邊都有一個寧靜嘅小綠洲，就喺葵興站行出唔到10分鐘距離，嚟到KC100地下就會見到。Cafe裝修風格都幾復古，感覺相當寧靜而且休閒，感到非常放鬆。-雜菌芝士奄列配蒜蓉多士邪惡嘅芝士奄列，而且菇味濃郁，配上新鮮嘅沙律菜香脆嘅蒜蓉多士，健康得嚟又滋味。-牛油果炒蛋比高包Bagel食落好有口感，加上creamy嘅炒蛋同軟滑嘅牛油果，好有層次感。-迷你全日早餐款式種類繁多，有煙肉、炒蛋、香腸、蘑菇、茄汁豆、蒜蓉多士，非常豐富，份量亦都好足，當中特別鐘意蘑菇，好香口。