Bella Shine (已結業)

第二次來這間餐廳食飯了，上次來吃任食牛扒，今次就散叫試試!餐廳都算幾大，坐位都幾多，燈光柔和!餐牌上有多款意粉、主菜可以選擇!單點主菜、意粉或意大利飯也可以加錢轉套餐，有頭盤、餐湯、甜品及飲品!黑松露蘑菇湯及蒜蓉包，黑松露蘑菇湯有香濃的黑松露和蘑菇味，湯都幾creamy而且有好多蘑菇蓉!而蒜蓉包脆口而且好香蒜蓉味，點上湯一齊食更美味!頭盤有刺身蝦、鵝肝和沙律，刺身蝦有稍稍燒過，鮮甜得黎又帶點點燒薰的味道!鵝肝配上多士一齊食十分正，不會太漏!而沙律菜除了用酸汁，還有芥辣八爪魚，這個組合很少吃到，不過很好吃!香草法國黃春雞配蜜糖芥末燒汁，春雞都幾大隻而且燒得好香口，雞皮燒到脆口，雞肉嫩滑juicy，不會很乾!由於雞肉用上香草醃製，好有香草的味道!再點上醬汁一齊食特別惹味!隨碟還有粗薯條，外脆內軟，鹽份充足，好正呀!頂級美國肉眼扒配牛肝菌燒汁，肉眼扒有12安士，很大塊而且厚身，點了3成熟都能夠控制到火喉，牛肉肉質鬆軟，牛肉味都幾濃，再點上燒汁一齊食味道更鮮!也是配有粗薯條，口感豐富!沖繩原隻菠蘿雪葩，用上菠蘿盛著雪葩，雪葩不會好甜，有菠蘿的鮮甜和少少酸味，非常清新!四季水果茶，用上火龍果、青