影片
更多
2021-09-10
62 瀏覽
成日都聽工業大廈好多美食，今次就見到呢間Daily 13。位置係荃灣有線大廈後面，附近仲有南豐紗廠，唔算難搵，佢正正係銓通13樓。現場環境清靜，位與位之間都算有距離，如果一個人，仲可以面向海用餐，四人有梳化位就完美啦，招牌名古屋蒲燒鰻魚蛋包意大利飯($158)果然係招牌，我覺得係黎到要食，亦可以encore。鰻魚好大塊，有手掌咁長，蛋好滑，連埋意大利飯食，好幸福呀。蟹肉蟹子明太子扁意粉($128)蟹肉絲可接受，但絕對唔係入口鮮甜，可能明太子醬已蓋過左，蟹子就超級多，扁意粉加醬，痴左好多粒蟹子，咬落去，口內有微爆開「正正子」。黑松露野菌意大利飯($108)係不管聞定食都有好濃既黑松露味，對我黎講野菌唔夠多，當然各有所喜好，如果無咩「肉念」，呢個配搭真係值得推介。HKT三式薯條(蜜糖芥末，茄汁，黑松露醬)($48)薯條份量都誠意，香口既脆薯，醬汁就黑松露醬為最愛，蜜糖芥末味道唔夠突出，茄汁普通茄汁味。朋友聚會，嗌呢個薯條，都夠閒聊幾個鐘。$1/$13蚊任食雪糕嗌任何正價食物，加$13/一人，或嗌套餐（主食加$68升級套餐），加$1/一人，全枱都要加錢，不能只加一人。今次雪糕既選擇有蘋果、黑
現場環境清靜，位與位之間都算有距離，如果一個人，仲可以面向海用餐，四人有梳化位就完美啦，
招牌名古屋蒲燒鰻魚蛋包意大利飯($158)
果然係招牌，我覺得係黎到要食，亦可以encore。鰻魚好大塊，有手掌咁長，蛋好滑，連埋意大利飯食，好幸福呀。
蟹肉蟹子明太子扁意粉($128)
蟹肉絲可接受，但絕對唔係入口鮮甜，可能明太子醬已蓋過左，蟹子就超級多，扁意粉加醬，痴左好多粒蟹子，咬落去，口內有微爆開「正正子」。
黑松露野菌意大利飯($108)
係不管聞定食都有好濃既黑松露味，對我黎講野菌唔夠多，當然各有所喜好，如果無咩「肉念」，呢個配搭真係值得推介。
HKT三式薯條(蜜糖芥末，茄汁，黑松露醬)($48)
薯條份量都誠意，香口既脆薯，醬汁就黑松露醬為最愛，蜜糖芥末味道唔夠突出，茄汁普通茄汁味。朋友聚會，嗌呢個薯條，都夠閒聊幾個鐘。
$1/$13蚊任食雪糕
嗌任何正價食物，加$13/一人，或嗌套餐（主食加$68升級套餐），加$1/一人，全枱都要加錢，不能只加一人。
今次雪糕既選擇有蘋果、黑加侖子、豆腐、朱古力、曲奇，最驚喜既係蘋果同埋豆腐，食完咁多香口正餐，係會想食清新口味既雪糕作為甜品。
芝麻/荔枝味雪米糍就想試就叫吧，如果不是，都建議留肚食雪糕。
張貼
