嚐品慕茶 (已結業)

同朋友係工廈shopping完，但係個天氣開始變差，仲落起雨添，於是同朋友去左附近工廈度一邊食野，一邊等雨停。半推半就去左呢間餐廳食，餐廳內部好空曠，仲有好多梳化，比人感覺好舒服，而且設計到好有英倫嘅風格，我估呢度應該可以比人BOOK 場搞私人聚會添。我叫左一個美式烤豬肋排併薯菜，佢炆到個豬肋排好"林"，骨同肉好容易分開，唔駛食得咁辛苦，茄汁同豬肋排配合得好好，唔會太酸亦唔會太甜，好開胃。但午市黎講，我覺得呢個份量相對細左小小。食完之後，係餐廳度坐左差唔多一個鐘，一邊同朋友傾計，一邊等雨停，但呢度啲職員都唔會趕走我地，同埋啲職員都好友善。