きっとかつ Kitto Katsu (已結業)

嚟到呢間隱世日式餐廳，喺觀塘工廈唔起眼嘅角落，叫咗兩個午市套餐，個天使麵幾滑溜，有幾舊豚肉卷細細嚿都幾好食，有蘆筍嘅香味，不過啲麵冇乜汁，但清清地都算好食。個吉列豬扒好大塊同好厚，有驚喜，不過佢話係流心芝士，本身都好期待，但係就唔見到有流心，由驚喜變失望，取而代之係豬扒上面有一塊芝士，用漢堡夾住，貌相好吸引好邪惡。另外有配埋薯條同沙律，不過啲薯條冇茄汁醬。雞翼係單骨有四嚿細細隻。本身甜品叫咗紅桑子布朗尼，可惜佢話冇晒貨，所以唯有轉食海鹽雪糕。有杯冷嘅緩空気咖啡，都幾好飲，而且幾啱打卡，另一杯熱拿鐵，上面有拉花不過化咗，可能擺咗一段時間。餐廳鋪面都算大，日式餐廳不過個佈置同啲咕𠱸好似似泰式多啲，人唔算多，坐得都幾舒服。食得好飽，埋單$301，都算抵食。以下係食嘅菜式千層吉列豚 芝士流心 $118漢堡包牛油果醬跟薯條雜菜沙律照燒蔖筍豚肉卷配天使麵 $88脆香七味單骨雞翼 $28熱拿鐵 $0緩 空気 $12海鹽雪糕 $12