魚川居 (已搬遷) 新店位置

今日約左觀塘放工的朋友晚飯，帶我去一間午飯時間經常排長龍的川味餐廳，在開源道中段的一座工廈樓上舖，位置又幾方便。 聽朋友講，他們公司同事平均每星期都來兩三次，為了食招牌的酸菜魚麵，正宗又抵食，店員介紹他們晚市餐廳有酸菜魚或雞煲火鍋，結果就吸引了朋友今晚帶我來食 😋 一入餐廳就聞到濃郁的酸菜魚湯底的香味，餐廳座位多，佈置簡單又用心，有霓虹燈牌可以影相。餐牌選擇有幾款川味鍋類，例如水煮魚酸菜魚雞煲之類，可以單點或叫套餐，而套餐以人頭收費，除了鍋類主食，另有6款海鮮加6款火鍋料，大約每人$200加一，已經食得超豐富，好飽。 我地叫了套餐，選了以下鍋底:  酸菜魚湯底 + 生魚片一碟海鮮: 肉蟹、鮑魚、帆立貝、蟶子、廣島蠔、海蝦火鍋料: 美國肥牛、黑豚肉、炸魚皮、娃娃菜、萵荀、魚皮餃 酸菜魚湯底果然是餐廳招牌菜，魚味濃， 配料多，惹味十足，一滾起就先飲兩口湯，暖身暖胃。生魚片份量多，薄切而魚紋清晰，放落湯變白色即食，嫩滑又無骨啖啖肉，難怪連午餐時間的酸菜魚麵咁受歡迎，湯底和魚片都幾好食。 海鮮方面，全部都幾新鮮，特別係廣島蠔肥美鮮甜，帆立貝夠大隻幾有咬口，蟶子和海蝦鮮味十足，加埋酸菜魚湯底，十