Ulyssa by Aldou (已結業)

朋友係附近返工, 留意開呢間晚餐似乎唔錯,約我出黎食飯聚下我地叫左二人set前菜係四式拼盤, 賣相味道都幾出色包括果醋車厘茄, 酸甜得幾清新開胃巴馬火腿提子芝士卷, 提子的香甜, 火腿的鹹香加上香濃芝士, 三者配合創新海膽凍豆腐, 豆腐內裡軟心, 入口暖暖地金沙軟殼蟹, 蛋香起沙, 軟殼蟹香脆餐湯係意大利菜湯, 湯頭色澤偏深, 用料足入口蕃茄味濃郁, 可惜係凍湯, 夜晚涼涼地, 應該飲熱湯比較適合配搭薄餅而唔係餐包, 幾新穎主菜係四選一,有部份係需要另加錢我地要溫泉蛋卡邦尼意粉意粉質感富彈性, 忌廉汁較黏, 加上溫泉蛋蛋漿, 每口掛滿醬汁, 食完都唔覺膩, 加上火腿及芝士脆片為意粉加添鹹香另一個主菜六選一, 我地要左低溫慢煮美國豬鞍架豬鞍煎得好香, 用左慢煮鎖住肉汁, 肉質明顯幼嫩而且非常厚肉肉質入口細膩軟腍, 充滿油香, 幾juicy配楓樹糖芥末汁, 味道有少少似話梅味底下仲有薯蓉, 甘筍, 日式甜薯, 秋葵, 粟米二人餐包埋飲品要左檸茶, 冷熱各一杯