影片
更多
2022-07-23
589 瀏覽
喺OpenRice見到呢間Daily 13好多正評，於是相約朋友嚟到荃灣西嘅工廈揾食，出𨋢轉右就見到餐廳！門口有植物牆、植物擺設、單車打卡位，經過心思設計。再行入去餐廳感覺寬敞，一邊係4至8人位，另一邊係2人位，中間留咗一條好大嘅通道。盡頭係高枱，可以望到對出海景。同朋友一人揀咗一個主食，見到櫻花蝦湯要$38一個，但係套餐+$48已經包括迷你櫻花蝦湯、精選蛋糕同飲品，於是轉埋套餐！➺➺招牌名古屋蒲燒鰻魚意大利飯$158衝着呢個招牌鰻魚飯而來，沒有失望，賣相好靚，鰻魚有成10幾20厘米長好飽滿啖啖肉，蛋奄列最少用咗2至3隻蛋，大量鰹魚花圍邊。呢個飯最特別之處係入邊唔係蕃茄炒飯，而係意大利飯，啲飯粒粒都好大粒、入味而且好有𡁻勁，仲有埋菇片！上面淋咗一層濃濃嘅日本醬汁，夠晒味！➺➺海鮮忌廉汁扁麵配挪威煙三文魚$118本身自己好鍾意扁意粉嘅煙韌，呢度煮得啱啱好，忌廉汁份量啱啱好，麵條掛汁，記得要趁熱食，如果唔係醬汁就會「擎」！上面嘅三文魚花卷係由一片無間斷嘅三文魚片卷成！墨魚、蜆肉、茹片份量亦唔少！➺➺迷你櫻花蝦濃湯（跟餐 ）櫻花蝦切粒放湯，每一啖都食到烘乾嘅櫻花蝦肉，上面仲灑上櫻花蝦粉！味道
門口有植物牆、植物擺設、單車打卡位，經過心思設計。再行入去餐廳感覺寬敞，一邊係4至8人位，另一邊係2人位，中間留咗一條好大嘅通道。盡頭係高枱，可以望到對出海景。
同朋友一人揀咗一個主食，見到櫻花蝦湯要$38一個，但係套餐+$48已經包括迷你櫻花蝦湯、精選蛋糕同飲品，於是轉埋套餐！
➺➺招牌名古屋蒲燒鰻魚意大利飯$158
衝着呢個招牌鰻魚飯而來，沒有失望，賣相好靚，鰻魚有成10幾20厘米長好飽滿啖啖肉，蛋奄列最少用咗2至3隻蛋，大量鰹魚花圍邊。呢個飯最特別之處係入邊唔係蕃茄炒飯，而係意大利飯，啲飯粒粒都好大粒、入味而且好有𡁻勁，仲有埋菇片！上面淋咗一層濃濃嘅日本醬汁，夠晒味！
➺➺海鮮忌廉汁扁麵配挪威煙三文魚$118
本身自己好鍾意扁意粉嘅煙韌，呢度煮得啱啱好，忌廉汁份量啱啱好，麵條掛汁，記得要趁熱食，如果唔係醬汁就會「擎」！上面嘅三文魚花卷係由一片無間斷嘅三文魚片卷成！墨魚、蜆肉、茹片份量亦唔少！
➺➺迷你櫻花蝦濃湯（跟餐 ）
櫻花蝦切粒放湯，每一啖都食到烘乾嘅櫻花蝦肉，上面仲灑上櫻花蝦粉！味道濃郁！
➺➺香蕉乳酪（跟餐+$15 ）
好重香蕉味，仲有cream裝飾，十分推介！杯身寬d，比出邊飲品份量大啲！
➺➺菠蘿柚子梳打（跟餐+$15 ）
有氣梳打水飲落好解暑氣！入面有菠蘿粒、柚子碎、椰果，有得飲有得食！
➺➺焦糖戚風蛋糕/芝士蛋糕（跟餐）
估唔到跟餐嘅是日精選蛋糕都咁驚喜！焦糖戚風蛋糕唔太甜，但又食到香噴噴嘅焦糖味，蛋糕軟熟有口感！芝士蛋糕清新、食落一啲都唔溜！
**加一服務收費
張貼
