AGE Cuisine Express

營業中

休息中

今日同媽咪去鰂魚涌辦事，晚飯時間帶佢嚟到呢間隱世工廈食西餐。呢間西餐廳我之前都食過，覺得唔錯。今日難得響附近辦事一於帶媽咪來食，今次嚟到餐廳搬咗間新鋪，新裝修環境幾好。慢煮半生M6和牛西冷配黑醋，蜜糖芥末醬$144呢個係我之前一直想試但未有機會試嘅菜式，今次終於食到，果然冇令我失望。賣相同擺盤好靚，好多五顏六色嘅沙律菜。和件西冷好軟腍，慢煮真係唔同d，牛油豐腴。煙三文魚芝麻菜蕃茄汁意大利飯 $138煙三文魚份量好足，蕃茄汁嘅意大利飯比一般食到嘅忌廉白汁，口味來得清爽，又不失creamy，蕃茄味香濃。豚肉蕃茄乾菠菜蕃茄忌廉汁扁意粉$124呢個扁意粉好掛汁，黑椒辣辣地加上蕃茄乾嘅蕃茄味特別突出，配上豚肉薄片，味道好夾。