鮮‧港式串燒吧 (已搬遷) 新店位置

今日去左觀塘開源道60號既駱駝漆大廈行outlet, 行到甘上下就喺大廈內搵野食，原來開左好多餐廳，行到5樓見到呢間串燒幾多人食又乾乾淨淨於是就入左去。2個人食，首先叫左《明太子飯團 $32》-都幾大舊，2個人分岩岩好。個外層燒到好香脆，又唔會太硬亦無燶，十分好。入面釀左明太子，份量唔會話好多，但味道足夠，太多反而會咸。再叫個主食《法國燒春雞（原隻）$125》-share食真perfect，因為多肉又大隻，絕對唔係細細隻～雞用黑椒同鹽醃製過，所以由皮直接肉都入味。表面望得似好乾，但一食落有驚喜，肉好juicy而且嫩，黑椒微辣惹味！下次行完outlet都可以再嚟食～（有加一）