辛手村 (已結業)

新餐廳alert ‼️餐廳2/7正式營業喇。老闆年紀輕輕就創業，自家創作特色干鍋。餐廳夜晚做埋酒吧的新concept，裝修又似Cafe一樣舒服。特色干鍋有兩款，一款日式壽喜燒味，另一隻就係我今日試嘅麻辣黑松露。干鍋可以自選配料，店家介紹咗肥牛、豬頸肉、蓮藕、土豆。干鍋一上枱就已經好香黑松露味，唔會太辣，可以任裝白飯。另外叫咗D串燒，牛舌芯、豬頸肉、京蔥五花腩、魚腐、龍脷柳、同埋香港比較少見的苕皮。苕皮係用紅薯粉做，QQ彈彈包著蒜茸孜然一齊燒。飲品冇叫啤酒，反而叫咗手搖茶，解一解渴。食完干鍋串燒食口味，仲可以叫佢地嘅柚子冰粉，好似食緊柚子啫喱咁，食完個口舒服曬。