影片
更多
2005-04-02
30 瀏覽
唔知邊日我無無聊聊咁打開飲食男女一睇(N月前果本),嘩~~~有無咁堅呀!!(四川煮法+南美特色+西餐元素=亮明居)!!本書講到好正好正,真係要一試咁。 N日後......剛剛同班朋友去開個頭(國金),正煩擾中,今晚食嘜好,本人就建議一試.......開頭因為價錢問題,所以有少少分歧(其實唔算少),幾經辛苦,最後都說服成功。 走近門面比人感覺普普通通(無嘜特別),但一行入去就比人一種豪華感覺(真係好靚,重好豪咁),原來鋪內重有分食中菜或川菜(中菜叫國金軒),當然今晚主角係食川菜啦!!噢~~~原來川菜個邊重有分個酒吧添,個埸都算幾大(重好靚),座位都唔錯,幾有feel。一打開餐牌,咩水煮,乾煎,魚香都好彩重有,一睇.....鴨胸,兔胺,帶子餅咩野黎~~~~~諗左一輪,最後就點左兩個湯四個主菜等等....(重有)....「豆素卷」:食落都唔錯,淸淸地咁,內有甘筍絲,冬菇絲,唐芹絲同豆腐干絲,用腐皮包好再煎,點汁食幾好,不過好似得N件太少(唔記得啦)。「蒜泥白肉」:一見碟醬撈沙律,我以為帥哥仔又上錯桌,點知個帥哥解釋(原來你就係xx白肉),碟野唔食得重多過食得既,肉得四五塊(重可以透
(四川煮法+南美特色+西餐元素=亮明居)!!
本書講到好正好正,真係要一試咁。
N日後......剛剛同班朋友去開個頭(國金),正煩擾中,今晚食嘜好,本人就建議一試.......開頭因為價錢問題,所以有少少分歧(其實唔算少),幾經辛苦,最後都說服成功。
走近門面比人感覺普普通通(無嘜特別),但一行入去就比人一種豪華感覺(真係好靚,重好豪咁),原來鋪內重有分食中菜或川菜(中菜叫國金軒),當然今晚主角係食川菜啦!!噢~~~原來川菜個邊重有分個酒吧添,個埸都算幾大(重好靚),座位都唔錯,幾有feel。一打開餐牌,咩水煮,乾煎,魚香都好彩重有,一睇.....鴨胸,兔胺,帶子餅咩野黎~~~~~諗左一輪,最後就點左兩個湯四個主菜等等....(重有)....
「豆素卷」:食落都唔錯,淸淸地咁,內有甘筍絲,冬菇絲,唐芹絲同豆腐干絲,用腐皮包好再煎,點汁食幾好,不過好似得N件太少(唔記得啦)。
「蒜泥白肉」:一見碟醬撈沙律,我以為帥哥仔又上錯桌,點知個帥哥解釋(原來你就係xx白肉),碟野唔食得重多過食得既,肉得四五塊(重可以透到光),一撻撻黑色醬係面,肉就比d菜蓋著,味道一般。
「三文魚沙律」:又係唔食得重多過食得既,不過都總算見到一兩塊魚,d魚食落咸咸地,應該係醃過,但食落毫無三文魚應有既鮮同肥美感覺(重差過食咸魚)。餐牌上重有一個「吞拿魚沙律」,我諗都係同呢個差唔多。
「天府龍蝦湯」:第一淡飲落都唔錯,湯有陣陣蝦味,重有一粒粒蝦肉,口感唔差,不過,飲多幾淡就好似無嘜特別(無一飲再飲既衝動)。
「酸辣海鮮湯」:同一般酸辣湯無咩分別,只不過係面多左少少蟹肉。不過,蟹肉食落毫無蟹味,重有殼添(唔新鮮),如果當普通酸辣湯飲,我諗都幾好既,蟹肉就……真係做多樣衰多樣,失敗。」
「魚香帶子餅」:睇落個樣怪怪地咁,左邊魚香汁同帶子(比五蚊大少少,得兩粒),右邊就圓柱形既黃色飯(非一般黃薑飯)。嘩~~~~帶子食落唔似帶子咁(好假,無口感無鮮味),本人覺得應該係帶子打膠(唔係全帶子打),個飯又乾淨淨,最弊係全碟野都唔夠熱(涷冰冰咁食泠盤咩),失敗。
「冬菜釀鴨胸」:一上桌成碟血淋淋咁(鴨肉重有標血水),點食呀!!不過,帥哥仔都好醒目,見到咁,立刻同我換過碟(服務唔差)~~唔~~~~有得食啦。碟xx鴨胸賣相一般,左邊有的醬(橫直線劃成網形咁),右邊五件鴨胸(荳苗做底),上邊放左d荳角,最邊就放左餅,不過成個波咁(好難食,掉人就差唔多),呢碟無血水,不過乾淨淨,味道一般(似食燒鵝咁),最弊又係全碟野又唔熱,失敗。
「綠魚香蝦球」:先將個西紅椒開頂清籽(重燒過下),做成杯狀,放係碟既左邊,而右邊就放有兩件班戟,一粒粒綠色汁既蝦球就放落杯中(四大粒)。綠魚香散發陣陣青葱味(重有一陣青味),本人就唔係咁喜歡,之後其他就無特別,不過又係唔夠熱,失敗。
「水煮羊肉」:唔駛多講,呢碟應該係全晚做得最好既一碟(我班朋友都話係),賣相唔差,最重要夠熱(唔熱點食呀),不過味道一般。
「小龍包」:一般酒樓水準,皮薄易穿,肉多無汁,不過不失。不過價錢同酒樓就……
「黃金大餅」:呢個餅直頭係敗敗之作,第一賣相唔好(似包多過似餅,唔方唔圓,又唔夠金黃),第二油多(食時隻碟重係油淋淋既,未入口都重可以渣出油),第三味道唔得(入口成陣花椒味,花椒少少地咁就係香,大大陣就……裹面既葱毫無葱香,重成陣葱青味),唔得。
「高力豆沙」:不過不失,水準一般。
食完今餐,食得最滿意既應該係水煮羊肉,不過其他就…….其實要食一碟熱既食物真係咁難咩。環境好,但都要食物質素好先得既。要做到好似食西餐咁唔係話放少少野,靚靚地,少少汁咁,就係西餐既。
唉~~~~重之今餐直頭係失望之選(本人覺得)。
張貼