米線樂•麻辣豬骨濃湯 (已結業)

米線可以話佔咗香港人飲食嘅重要部分， 除咗價錢實際之外 ， 仲乎合到香港人鍾意「平靚正」嘅原則。 食米線嘅餐廳開到成行成市， 要突圍就一定要有個人之處。 經過呢間咁色彩繽紛嘅米線小店， 裝修企理又夠新潮 ， 啱曬年青人。主打豬骨濃湯底， 就連麻辣同埋酸辣， 都會以豬骨濃湯做Base。蒜泥白肉，採用五花腩，薄切嘅白肉肥瘦平均，再配以大量芫茜同埋蒜蓉， 加埋酸辣嘅醬汁， 非常開胃。麻辣墨魚頭，呢一個墨魚頭可謂店舖嘅招牌菜式。 墨魚頭夠爽、夠新鮮，咬落彈牙，麻香十足，越食越過癮。招牌麻辣涼拌涼皮（中辣）加滷大腸， 涼皮滑劣劣而且非常掛汁， 配以爽口嘅青瓜絲， 以及脆卜卜嘅炸黃豆， 麻辣得嚟又帶一點芝麻香， 令人越食越開胃。 另外滷大腸相當入味， 一啲都唔羶， 整個配搭簡直係一流。麻辣豬骨濃湯米線（中辣）加黃金花枝丸、免治雞肉捧， 湯底帶一點fusion感覺， 有點似日本拉麵嘅豬骨湯底， 同時又加入四川麻辣嘅風味，夠曬特別。 米線夠爽身，而且配料豐富，有齊芽菜、芫茜同腐竹。 黃金花枝丸彈牙香甜， 免治雞肉棒裏面加有雞軟骨， 食落更添口感。最後叫咗一支玫瑰洛神花茶， 酸酸甜甜， 清新爽口， 而且