鐵魚川式食堂 (已結業)

今日突然天氣轉涼又唔知食乜，好跟住我個朋友就提議兩個人吹吹水去打邊爐去也😋，行吓行吓見到銅鑼灣京都廣場樓下有人派傳單見到又有火鍋又有雞煲～～鐵魚川式食堂～～6樓決定喺呢度開餐啦⋯⋯又想食魚但係我朋友食魚會敏感，所以就選擇💁‍香辣土雞鍋但係其實我都想食魚🐟 如果有鴛鴦鍋就好啦四小碟跳水木耳丶魚情味豆芽丶亂七八草丶手撕丶包菜😋我朋友話要自己試吓挑戰食辣野！測量一下可以食到幾辣🌶⋯⋯就選擇咗大辣（好銀辣）👉大辣🌶🌶🌶辣雞鍋份量都唔少，喺度等緊佢加熱嘅時候陣陣嘅辣椒嘅香味已經飄出！開始食嘅時候雞件鮮嫩多汁！辣味慢慢咁滲入雞件😅食到全身都出晒汗，我就覺得非常過癮！但係我朋友已經覺得辣到頂唔順😂非常搞笑🤪⋯⋯海鮮拼盤份量唔係太大！但係好新鮮喔！我最愛嗰個蟶子皇🙏安格斯🐂牛入口即溶充滿油花，黑豚腩片味道鮮美，雲吞裏面嘅餡做得相當香口仲有蝦添！