川婆婆 (寶勒巷) (已結業)

以前係尖沙咀番工成日叫川婆婆外賣，最中意叫麻辣三餸薯粉，個陣仲係好細間鋪，陪我度過左兩三年，而家川婆婆有間大鋪係寶勒巷，仲有獨有既茶底鍋，果然有料。麻辣鍋配養生菌王雞湯鍋底一滾已經聞到超香麻辣味道，依個湯底既味真係係川婆婆先食到，濃郁鮮香麻辣有層次，唔係死辣咁簡單🫡 反而養生菌王雞湯係第一次試，估唔到又幾鮮甜，好似熬左好耐咁質感濃厚，仲有雞件同蟲草花等見到佢好足料。我地揀左新鮮農場靚牛串串套餐 $298/人，包左一款牛同時令海鮮，牛頸脊又幾靚喎，有厚度，油脂平均入口好重牛味。另外再加左碟和牛肉眼邊，肉質好軟熟😋時令海鮮有大蝦，鮑魚，蜆同蟶子仔，全部都新鮮，估唔到佢包埋咁大隻鮑魚，彈牙鮮味👍🏻隻蝦都勁爽彈🦐用上冰墊底，令牛同海鮮都keep住新鮮唔會成攤血水👍🏻戲肉除左係火鍋之外，就係隔離既鐵板，鋪上牛油紙，慢慢燒下d食材，火喉適中又無燶底，真係幾好喎！自助區有大量串串，流量快得黎店員亦有不斷refill，除左串串仲有已分好一份份既肉同蔬菜，重點推介👇🏻羊肉串用煎煮個邊，見佢係粒狀都預左會有d un,點知係軟腍既，而且肥瘦比例好，要有dd 肥膏係度先夠香😋芫荽牛肉串無需多講，芫荽迷必食!