川婆婆 (寶勒巷) (已結業)

今日同幾個朋友嚟到呢間尖沙咀嘅川婆婆，我哋出名食辣係人都知，今日我哋嚟就嚟挑戰呢間川婆婆，呢間穿婆婆有個好好嘅地方就係佢又有火鍋雞煲烤魚燒烤小菜，簡直百搭！ 啱晒我哋呢班鍾意乜都食吓嘅人！ 最重要佢係食川菜😍😍 今日就梗係會主力去食烤魚同埋打邊爐。首先叫咗個麻辣烤魚，呢個辣絕對滿意，入口有個好大嘅勁，麻多個辣，唔知係咪有檸檬嘅關係，嗰個辣係有啲特別，好開胃得來好可口！ 食完烤魚直接落打邊爐料。叫咗好多款配料，蟹子墨魚滑，萵筍，肥牛。總之一句講晒， 一家大細嚟 ，一班兄弟姊妹嚟又好，絕對係一個非常好嘅選擇，好食性價比高！