更多
2021-06-30
518 瀏覽
要數香港嘅美食沙漠，東涌絕對會名列前茅😂出咗名冇乜嘢食嘅東涌，最近隨着新酒店嘅落成，下面竟然開咗好多間超正嘅餐廳😍小編當日去食呢間餐廳嘅時候，沿路都比其他新開嘅餐廳吸引咗，之後一定會再返嚟逐間試食😆呢間餐廳位於東涌Sheraton酒店下面，同地鐵站都有一段距離，但係就喺正海邊，而且仲要係無最低消費下免費泊車😛如果openrice book定仲有八折優惠😈—《 #香辣蟹肉墨魚汁扁意粉》$158 小編不嬲都對有辣味嘅意粉情有獨鍾，硬係覺得辣味嘅意粉特別好食🤪喺餐廳IG嗰度見到呢一個意粉嘅賣相好吸引，捲到橢圓形咁樣即刻食指大動😍而呢碟意粉用帶有墨魚汁嘅扁意粉，有濃厚嘅墨汁味之餘，扁意粉亦十分al dente，再配上海量咁多既蟹肉，味道鮮甜，成個搭配好夾，成為咗dish of the night🥰—《 #三文魚他他》$118三文魚他他係前菜嘅不敗之選，而呢度嘅三文魚他他亦整得好標準🤣係好整齊嘅圓筒形入邊，有三文魚粒、青瓜、洋蔥等開胃前菜，上面有沙律醬，下面亦有酸甜嘅檸檬他他汁，整個菜式十分完整🥸—《 #普羅旺斯烤春雞》$188喺Menu睇完呢道菜式嘅名，好好奇究竟普羅旺斯式嘅烤春雞會係點😀原來
呢間餐廳位於東涌Sheraton酒店下面，同地鐵站都有一段距離，但係就喺正海邊，而且仲要係無最低消費下免費泊車😛如果openrice book定仲有八折優惠😈
—
《 #香辣蟹肉墨魚汁扁意粉》$158
小編不嬲都對有辣味嘅意粉情有獨鍾，硬係覺得辣味嘅意粉特別好食🤪喺餐廳IG嗰度見到呢一個意粉嘅賣相好吸引，捲到橢圓形咁樣即刻食指大動😍而呢碟意粉用帶有墨魚汁嘅扁意粉，有濃厚嘅墨汁味之餘，扁意粉亦十分al dente，再配上海量咁多既蟹肉，味道鮮甜，成個搭配好夾，成為咗dish of the night🥰
—
《 #三文魚他他》$118
三文魚他他係前菜嘅不敗之選，而呢度嘅三文魚他他亦整得好標準🤣係好整齊嘅圓筒形入邊，有三文魚粒、青瓜、洋蔥等開胃前菜，上面有沙律醬，下面亦有酸甜嘅檸檬他他汁，整個菜式十分完整🥸
—
《 #普羅旺斯烤春雞》$188
喺Menu睇完呢道菜式嘅名，好好奇究竟普羅旺斯式嘅烤春雞會係點😀原來係將整隻春雞攤平，再將多種香料、麵包糠、芥末鋪滿春雞嘅表面，原隻烤焗🤤望到個樣以為好似平時個啲寶雲酥咁有個脆皮，點知啲麵包糠係就咁舖面，一啲都唔脆🥵不過味道都幾特別，第一次食到有咁多種味道嘅春雞😜雞腿位置好鮮嫩，但係雞胸就唔知點解梅咗🥺
—
《 #Cabana Tiramisu》$88
本身係比餐廳ig既圖引誘咗叫呢個tirumisu🥺因為相入面既真係好靚，睇到係充滿心機慢慢擠啲cream係面，仲要大小平均，非常立體，仲有幾朵食用花😇結果我地點咗個一上枱啲cream已經塌曬，好失望呀😭不過佢嘅份量非常之大，兩個人都好難食得晒😂入面亦都有幾塊冇用酒浸到淋晒嘅手指餅，仲有少少脆，反而能夠令佢無咁膩😅建議大家試下其他甜品🤥
張貼
