ReDivine (CAPRI Place) (已結業)

💡峇里風泰式fucion菜將軍澳南發現了一間峇里裝修風格既泰式餐廳，店內座位寬敞舒適，有藤椅及 韆鞦吊椅，好relax，而且更設有露天雅座，好浪漫。🍽法國無激素去骨春雞•火箭菜•芝士沙律🐥上菜時已經聞到陣陣香氣，店員放低，見到有少少嚇親，因為好大份，原隻去骨春雞燒得黃金色，外皮香脆香口，肉質仍能保持嫩滑。只要輕輕撕開雞皮，已經見到雞肉好嫩，食個陣沾上雞湯汁，食落juicy得黎又滋味。另外有無花果番石榴沙律作配菜，入口新鮮爽口，非常開胃。🍽野生阿拉斯加銀鱈魚 •油薄餅 •紅毛丹羅望子汁🐟銀鱈魚一直係小編喜愛的食物，銀鱈魚表面煎至略帶金黃，魚肉好嫩滑，唔會好鬆散，最特別係用上紅毛丹羅望子汁，味道酸酸甜甜，好開胃。另外伴碟有酥軟的油薄餅及配菜有秋葵、翠玉瓜、粟米筍。🍽炒蒜蓉•素菜 素菜包括左翠玉瓜、小黃瓜、小粟米、秋葵、青瓜，用左好多蒜去炒，好香蒜味，但又唔會掩蓋左本身蔬菜的鮮味。