金加利餐廳 (已結業)

好耐無過去牛頭角個邊，淘大商場雖然加添咗唔少新食店但係行吓行吓又走咗嚟呢度，呢間餐廳響淘大都有十幾廿年，經歷過沙示及金融風暴仲做得住，梗有存在價值。是日中午嚟到唔算多人，揾到個卡位發現D座位都好殘仲有D爛，比茶餐廳仲要差。餐牌主要分套餐、麵餐、咖喱幾大類，款式唔算多。叫咗豬脾骨、咖喱雞同牛扒。餐湯分羅宋湯同南瓜湯，羅宋湯幾多料而南瓜湯雖然無忌廉但係都煲得好濃幾好味。豬脾骨有三舊，炸得算幾脆不過無乜肉味，咖喱雞係馬來咖喱，都係得三舊雞，個汁幾好味好送飯，個牛扒有兩大塊，算最抵食而味道都唔差。老牌餐廳雖然難有驚喜但亦無乜退步，比起對面個間椰X閣仍略勝一籌。