山城小麵 (懷仁街) (已結業)

天氣愈黎愈凍，第一時間就諗起川菜，踏單車路過，見都幾多人食，咁就一於試下佢！大埔的山城小麵主打重慶小麵。秘製排骨米線配上清炖排骨。湯頭清甜，今次先試小麻辣，嗰種香味要人垂涎三尺，令你一口接一口，簡直停唔到。友人則點了麻辣雞絲冷麵。兩者比較熱的湯麵好似比較吸引，可能係天氣凍的關係吧。另外我地三個人叫咗勁多小食紅油炒手辣油麻香醇厚。放入口嗰吓已經feel到啲皮幾咁滑而且包住的肉餡又唔會太少或者太多，配合得啱啱好。黃金尖椒皮蛋呢到的皮蛋好得意，佢係透明的，朋友話呢個係特別做法喎，唔理咁多啦，食咗先算！佢個味同平時食開的分別不大，蛋黃比一般的滑～　幾好幾好～連平時我唔太食都食咗幾粒。蒜泥白肉係我誠意推介！呢個白肉唔會太薄，而店家的調味令呢個豬腩肉發揮得勁好～而且有大量的蒜泥，啱哂我口味。手拍青瓜勁大碟，放滿一整個碟都只係廿幾蚊。而家仲可以係邊到食到？！另外我地都叫咗甜品，一人一碗！冰粉都幾得意，透明，有啲似涼粉，無乜味，但夠冰涼，口感幾好。