夢の丼 (已結業)

朋友住土瓜灣，請我去夢之丼食日本菜，一定舉手贊成喇。舖內整潔，用木條子間格，木檯、木櫈再加方型吊燈，淡淡透出日式風格。深海池魚刺身首先出場，清新魚味，爽脆口感，零舍不同，特別好食。磯燒北海道珍寶帆立貝，上碟好名貴，帆立貝夠大隻飽滿，色澤光亮，經炙燒仍保留嫩滑感，新鮮度更突出。跟住有法國生蠔配魚子醬及三文魚子，滴上檸檬汁，咸鮮味出晒嚟，勁fresh又鮮甜。重頭戲有二重親子丼，飯面舖上三文魚蓉、三文魚子、松葉蟹、金蟹子及蟹膏豆腐，食材豐富，各有鮮味，互相配合，每啖入口充滿不同口咸，好特別。餐廳男女侍應細心招待，態度親切，值得欣賞。現時仲有「花錦魚生丼」做緊全日半價，由於期間限定，一於趕快去品嚐。